88
చాటుపద్యమణిమంజరి
గీ. అతఁడు హరిదాసవంశాబ్ధి కబ్ధిభవుఁడు
అర్థిదారిద్ర్యగాఢతమోర్కుఁ డతఁడు
దానధర్మపరోపకారానుకూలి
భాస్కరుని రామలింగన్న భాస్కరుండు.
సీ. నీదేవదేవుండు నిజభక్తరక్షాప
రాయణుం డాదినారాయణుండు
నీతాత జగదేకదాత రాయనమంత్రి
భాస్కరాన్వయుఁ డైన భాస్కరుండు
నీతండ్రి వితరణఖ్యాతినిఁ గలియుగ
కర్ణుండు రామలింగప్రధాని
నీతల్లి పతిహితనీతి నరుంధతీ
దేవితోఁ బ్రతివచ్చు తిరుమలాంబ
గీ. తనర వెలిసితి వత్యంతవినయవిభవ
గురుతరైశ్వర్య మహనీయగుణగణాఢ్య!
భవ్యభరతుండ! వినుకొండ పాలకుండ!
భాస్కరుని రామలింగయ్య భాస్కరుండ!
సీ. కడఁగి మేఘుం డేకకాలంబుననె కాని
కొమరొప్ప నేవేళఁ గురియఁగలఁడె
కల్పభూరుహ మొక్కకాలంబుననె కాని
గరిమ నేవేళలఁ గాయఁగలదె
కమలారు తా నొక్కకాలంబుననె కాని
యేవేల నమృతంబు నీయఁగలఁడె
కామధేనువు నేకకాలంబుననె కాని
పెంపొంద నేవేళ బిదుకఁబడునె
గీ. పలుచనై పోక యాకులపాటు లేక
వట్టిపోవక చిల్లరవంకలేక
