రామలింగభాస్కరుఁడు
87
గీ. పడుచు నిడినవానిఁ బద్య మిచ్చినవానిఁ
గడుపు కిడినవాని నడుపవలయు
నడుపలేనివాని నయవిదు లెంతురా?
భువిని భాస్కరేంద్రపుత్త్రకొండ!
రామలింగభాస్కరుఁడు
రామలింగభాస్కరుఁడు చిఱుతనాఁడు విద్యాభ్యాసము చేయుచుండఁగా నొక బట్టువాఁడు—
క. రాయని భాస్కరుతోనే
పోయెసుమీ కీర్తికాంత—
అనెనఁట! తోడనే యాతఁడు తనకరముననున్న మణికంకణమును వాని కొసంగి— పోదె—అనెనఁట! అచ్చట మఱియొకఁడు మఱేదీ—అనెనఁట! అంతట నాభట్టుకవి పూరించెను.
ఆయనమనుమఁడు చతురో
పాయుండగు రామలింగ భాస్కరుఁ జేరెన్.
సీ. ఏమంత్రి సత్కీర్తి హిమసేతుపర్యంత
మవనిమండలము ముత్యాలశాల
ఏమంత్రి మొగసాల యేప్రొద్దు చూచిన
సంగీతసాహిత్యసరసగోష్ఠి
ఏమంత్రి యిలవేలు పిందురేఖామౌళి
చౌడేశ్వరీమహాశంభుశక్తి
ఏమంత్రి సౌందర్య మిందీవరాక్షుల
వాలారుఁ జూపుల వలపుముద్దు
