192
చాటుపద్యమణిమంజరి
లలి నొక్కనిడుదనాళపుఁ గ్రోవి సంధించి
చిన్నారిపటకారి చేతఁబూని
జాతిరత్నమువంటి చండ్రనిప్పు ఘటించి
నిజధూమలహరిచే నెగడు ఘనుల
గీ. కెంతఘన మెంతదీపన మెంక సొగసు
సంతతోద్రేకలాహిరిసార్వభౌమ!
సకలగుణశీల! యెటువంటి సుకృతవేళ
నుదయమందితివో కాక! యో పొగాక!
సీ. బంధురామోదప్రభవిభ్రమంబుల
నెనయు కెందమ్మిఱే కీపొగాకు
పరిమళాంచితకళాప్రావీణ్యవిభవంబు
లెనయు గేదంగిఱే కీపొగాకు
ఘనతనూరానసుగంధప్రదీప్తుల
నెనయు చెంగల్వఱే కీపొగాకు
గీ. జలధిపర్యంతధారుణీవలయనిలయ
పాంథసందోహమోహసంపత్కరంబు
నగుచు ధారుణి విలసిల్లె నందమైన
యించువిలుకాని చేతిబా కీపొగాకు.
క. మీరుం బొగ ద్రాగుదురా
వారిజభవ! వామదేవ! వైకుంఠ! హరీ!
ఓరీ నారద! వినురా
యీరెడుజగంబులకును నిది ముఖ్యమురా!
క. భుగభుగమని పొగ లెగయఁగ
నగణితముగ నాజ్యధార లాహుతిగాఁగా
నిగమాదిమంత్రయుతముగఁ
బొగద్రాగనివాఁడు దున్నపోతై పుట్టున్.