పుట:Chatupadhyamanimanjari - Veturi Prabhakar Sastry.pdf/202

వికీసోర్స్ నుండి
ఈ పుట అచ్చుదిద్దబడ్డది

పొగాకు

191

    మతిహీనులకు సరస్వతిని బ్రసన్నగా
                    నొనరించు నీరాక యోపొగాక!
    అతిపథిశ్రమమెల్ల నణఁప గర్పూరమై
                    యుండుగా నీరాక యోపొగాక!
    రతికాంక్ష లూరింప రసపాకగుళికయై
                    యుండుగా నీరాక యోపొగాక!
గీ. అవనివార్తకు నెక్కితి వఖిలజనుల
    జీవరక్షణదివ్వసంజీవి వగుచుఁ
    బ్రస్తుతింపంగ సకలదిక్పతులసభల
    నూర్జితంబుగ నీరాక యోపొగాక!
సీ. నీమహత్త్వము మును నిర్జరు లెఱిఁగినఁ
                    దరతోడ నమృతంబు తఱవఁబోరు
    నీవిధంబును మును పావని యెఱిఁగిన
                    సంజీవి వెదకెడిజాడఁ బోడు
    నీవార్త మును దేవతావైద్యు లెఱిఁగిన
                    నౌషధావళికిఁ బ్రయాసపడరు
    నీరీతి మును మౌనినికరంబు లెఱిఁగిన
                    బలుతపోనిష్ఠలు సలుపఁబోరు
గీ. సంతతోత్క్షిప్తజీవరక్షణములకును
    రోగముల్ పాపమోక్షంపురూఢి దెలుపఁ
    బుడమిలోపల జనులను బ్రోవ నీవు
    ఒనర జనియించితివొకాక! యోపొగాక!
సీ. పైగోవసరకుగాఁ బ్రార్థించి నినుఁ దెచ్చి
                    నిమ్మపంటిరసాన నీడనార్చి
    పుడకలు లేకుండఁ బొడిసన్నముగఁ జేసి
                    సిరికొల్ది ధూమ్రంపుఁజిట్టినించి