170
చాటుపద్యమణిమంజరి
ఏజోలియును లేక యింట నుండెద మన్న
సాలుకు వచ్చు గంటాలపన్ను
గీ. దేశమునవారు పొన్నూరుతెన్నుగాదు
పంట పస లేదు గంటాలపన్ను పోదు
మీకు దయరాదు మునుపటిమిసిమి లేదు
అతులగుణదీప! విజయరామావనీప!
సూరకవి ప్రపౌత్త్రుఁడు బాలభాస్కరకవి చల్లా పట్టాభిరామయ యనువానిఁగూర్చి చెప్పినపద్యము—
సీ. విజయరామక్షమావిభు మెచ్చి భాసిల్లె
ధరణిలో మాప్రపితామహుండు
గంగాభవానిని గడుదిట్టరై తిట్టి
ఖ్యాతిఁ జెన్నొందె మాతాత యొకఁడు
వెలయంగ మగటిపల్వెంకను బడఁ దిట్టి
తగఁ దెగటార్చె మాతండ్రిగారు
ఆరీతిగాఁ దిట్టి యమపురంబునకును
నిన్నుఁ బంపఁదలంచి యున్నవాఁడ
గీ. గాచుకొమ్మిటు మీఁద నఖండచండ
దారుణోద్దండకవితాగభీరశక్తి
నీతరము గాదు కలహించి నిర్వహింప
చల్లపట్టాభిరామ! నీచగుణధామ!
