40
చాటుపద్యరత్నాకరము
మ. ఇతఁడా రంగదభంగసంగరచమూహేతిచ్ఛటాపానకో
ద్యతకీలాశలభాయమానరిపురాడ్దారాశ్రుధారానవీ
నతరంగిణ్యబలాసమాగమసుఖానందత్పయోధిస్తుతా
యతశౌర్యోజ్జ్వలకీర్తి వత్సవయరాయక్ష్మాతాలథీశ్వరుం; డితఁడా?
ఈరీతిని “ఇతఁడా” యనుప్రారంభముతో నూఱుపద్యములను రచించె ననువాడుక కలదు; కాని తక్కినపద్యము లెచ్చటను లభ్యములు కావయ్యె.
ఏనుఁగు లక్ష్మణకవి
ఈలక్ష్మణకవిపైఁ గూచిమంచి తిమ్మకవి వ్రాసిన పద్యము
గీ. భారతీవదనాంబుజభ్రాజమాన
కలితకర్పూరతాంబూలకబళగంధ
బంధురంబులు నీమంజుభాషణములు
లలితగుణధుర్య! యేనుఁగులక్ష్మణార్య!
శిష్టు కృష్ణమూర్తికవి
ఈకృష్ణకవి పదునెనిమిదవశతాబ్దిలో నున్నవాఁడు. ఇతఁడు సంగీతసాహిత్యములు రెంటియందును మిగులఁ బ్రసిద్ధి వడసినవాఁడు. కాకర్లపూఁడివారిపైఁ జెప్పిన చాటువు—
ఉ. వీరు తెలుంగుసాము లరబీతరబీయతనొప్పుగొప్ప స
ర్కారువలే జమీలు దరఖాస్తుగ నేలిన రాజమాన్యహం
వీరులు ఢక్కణీలు తజివీజుకులాహికు లున్నమేటిమం
జూరు జొహారు యాఖిదుమషూరు ఖరారు మదారు బారు బ
