220
చాటుపద్యరత్నాకరము
ఉ. భూతగణేశ్వరుం డఖిలభూతదయాపరుఁ డీశుఁ డాజగ
న్మాతమనోగతు ల్వెలయ మంజులతల్పశయానుఁడై మనో
జాతవిలాససంజనితసౌఖ్యరసంబునఁ జొక్కె సుమ్మి యీ
రాతిరి గంధవాహ! మదిరంజిల నీదిశఁ గాచియుండుమా.
ఉ. రాజకళాధరుండు కవిరాజితభూధరమందిరుండు వి
భ్రాజితనీలకంధరుఁ డరాతిభయంకరుఁ డద్రికన్యతో
రాజమరాళతల్పమున రంజిలి మిక్కిలి చొక్కినాఁడ యా
రాజవరేశ! యీరజని రంజిల నీదశఁ గాచియుండుమా.
ఉ. ఈశుఁ డశేషలోకనుతుఁ డీప్సితిదాయకుఁ డద్రికన్యతోఁ
బేశలపుష్పతల్పునఁ జేర్చి పెనంగి యనంగసంగర
క్లేశసముద్గణాంబుకణకీర్ణవికారశరీరియైనవాఁ
డీశ! దిగీశ! యీనిసిని నింపుగ నీదిశఁ గాచియుండుమా.
ఉ. నందకపాణిసౌహృదుఁ డనంతుఁ డభేద్యుఁ డఖండసచ్చిదా
నందుఁ డుమార్ధవిగ్రహఘనాంబుమదంబుదగర్భనిర్గతా
స్పందకఠోరుఁడై హరుఁడు తత్పదమంది వెలుంగుచుండెనో
నందిముఖప్రధానగణనాయకులార! చలింపకుండుఁడీ.
ఉ. మానితభూజలాగ్నిపవమానవిహాయసమానసాధికా
ధీనకృతాంగమధ్యసముదీరతనిర్జరతిస్రగంతరో
ద్యానవిహారుఁడై హరుఁడు తత్పదమంది వెలుంగుచుండెనో
మానసమా! వినిశ్చలసమీధి వహించి భజించుచుండుమా.
