పంచమతరంగము
219
హెచ్చరిక
ఉ. చంద్రకళాధరుండు కలుషానలవారిధరుండు శంకరుం
డింద్రియలోలదూరుఁ డఖిలేశ్వరుఁ డద్రిసుతాసమేతుఁడై
మంద్రవచోవిశేషపరమామృతసేచన మొందుచున్నవాఁ
డింద్ర! పరాకు వే విడిచి యీనిశి నీదిశఁ గాచియుండుమా.
ఉ. మౌనిమనోంబుజాంతరనిమగ్నపదద్వయషట్పదుండు కా
దేనవిభూషితుం డజుఁ డతీంద్రియుఁ డద్రిసుతాధరామృతం
బానుచుఁ గార్యకారణమ యాత్మసుఖంబునఁ జొక్కినాఁడు వై
శ్వానర! యీత్రియామమున సమ్మతి నీదశఁ గాచియుండుమా!
ఉ. కుండలిమండనుం డసురకోటివిఖండనుఁ డంగజాహితుం
డండజవాహనాత్మహితుఁ డవ్యయుఁ డాఢ్యుఁ డగేంద్రకన్యకా
ఖండితరోపగూహనసుఖంబున మిక్కిలిఁ జొక్కినాఁడయా
దండధరా! వివేకమతి దక్షిణ మీనిశఁ గాచియుండుమా.
ఉ. హేమనగేంద్రచాపుఁ డురగేంద్రకలాపుఁ డుపేంద్రమిత్రుఁ డా
హైమవతీపయోధరయుగాంతరతల్పశయానురక్తుఁడై
శ్యామపయోధరాంతరనిశాంతతటిల్లతఁ బోలియున్నవాఁ
డేమర కీవు దైత్యవర! యీనిసి నీదశఁ గాచియుండుమా.
ఉ. సూరినుతుండు దర్పకనిషూదనుఁ డార్తశరణ్యుఁ డీశుఁ డిం
పారతుషారశైలతనయాపరిరంభణచుంబనాదిశృం
గారకళావిశేషపరికల్పితకాముకుఁ డైనవాఁడయా
వారినిధీశ! యీనిశ ధ్రువంబుగ నీదిశఁ గాచియుండుమా.
