తృతీయతరంగము
167
సీ. దురములో నరివీరకరిఘటంబులఁ గన్న
వీఁకఁ బారఁ బొడిచి వెన్నుఁ దన్ను
దుర్భరశత్రుల దొడ్లనుఁ గనుఁగొన్న
గోరాడి కొమ్ముల గ్రుచ్చి యెత్తు
మార్కొన్న పగరాజు మన్నెగిత్తల నెల్ల
మానమూనము జేసి మగుడఁ దోలుఁ
గక్కసించెడు వైరి దుక్కిటెద్దుల నెల్లఁ
గురుమన్నెగిత్తల సరకుఁ గొనక
రంకె లిడుచుండు బసవనశంకరుండు
శంక సుంతయు లేక నిస్సంశయముగ
సమరరఘురామ! రావిళసార్వభౌమ!
వైరిహృద్భల్ల! యుద్దండవీరమల్ల!
క. పిన్నమహీశులపేరుల
నెన్నకురా భట్ట! దళము లెదిరించినచో
వెన్నిచ్చి పారిపోయిన
మన్నీలభుజంగు వీరమల్లఁడు ధాత్రిన్.
క. ఇచ్చెడువేళల రణమునఁ
జొచ్చెడువేళలను వెనుకఁ జూచినఁ బెద్దల్
మెచ్చరు వినుతిం జేయరు
రచ్చలఁ గవిగోటు లెల్ల రావిళమల్లా!
క. తెగి తాఁ బొడవని పోటును
తగ నర్థుల కీయనట్టిత్యాగము సభలోఁ
బొగడించుకొనుచుఁ దిరిగెడి
మగలంజలమగఁడు వీరమల్లఁడు ధాత్రిన్.
