పుట:Chandrika-Parinayamu.pdf/135

వనజానన యహీనమునిప్రౌఢిఁ గలఁగింపఁ
జాలదే నీరోమపాళికాంతి,
ముదిత సత్తాపసముజ్జృంభణముఁ బెంపఁ
జాలదే నీపదోజ్జ్వలనఖాళి,

తే. యచలవక్షోజపరమహంసౌఘమహిమ
నడఁపఁ జాలదె నీమందయానలీల
యగుటఁ దల్లక్ష్మి చెలు వందునట్టి నీకు
పడఁతి యొకమౌని నిల మోహపఱచు టెంత. 51

చ. అలవిరివింటిదంట ముదమారఁగ నీ వెనువెంట రా, ధరా
స్థలివడిఁజేరి, యామునియుదారతపఃక్రమ మెల్ల మాన్చి, యు
జ్జ్వలగతి వచ్చునీకుఁ జెలువా యొనగూర్తు వహింప నీసురా
బలలు శిరోనతిం బవలుపంజులు చెంద్రికపావడన్ రహిన్.’ 52

తే. అని యనేకవిధంబుల నాదరంబు
దొలఁక రంభాదినిర్జరీకులము లాత్మఁ
గలఁకచేఁ గుంద నప్పల్కుకలికిమగఁడు
చెలిమి నాచిత్రరేఖతోఁ బలుకునపుడు. 53

సీ. ననసేసకొప్పు నొందిన యొంటిపొరచెంద్ర
కావిరుమాల వింతై వెలుంగ,
రతికౌఁగిలింతఁ దోరపుఁజిక్కు గన్న మొ
గ్గలసరుల్ పేరెదఁ జెలువుమీఱ,
నెలవంకరేఖల నిలిచి పైఁజెదరుక
ప్పురపుగందపుఁదావి బుగులుకొనఁగఁ,
గలికిగోణమ్ముపైఁ గట్టిన క్రొత్తగే
దఁగిఱేకువంకి యందముగ మెఱయఁ,