రం 4] బిల్వమంగళ 25
వనమాల ధరియించి ♦ వలపులో జిక్కి,
వనమాలి వెతకుచు ♦ వనిత తా స్రుక్కు
పురుషుని ప్రకృతిని ♦ పోషించుచుండు
విపరీతమగు రీతి ♦ వేడ్క దోపగను.
ఒక్కచో శవము వే ♦ రొక్కచో చపల,
ఏకాకృతిగ నుండు ♦ నెందుజూచినను,
కాలంపునియమముల్ ♦ గానరా వచట,
లేదు హిల్లోలంబు ♦ లేదు కలకలము,
నిమ్మకు తొక్కిన ♦ నీరంబువోలె
నిశ్చలంబై దోచు ♦ నెచ్చట గనిన.
మానసము వాక్కును ♦ గానంగలేవు,
ఆది యంతము లేని ♦ యతులస్వరూప,
రూపము న్నామము ♦ రోయలే రెవరు,
గతమును భావియూ ♦ గానంగ రావు,
అంతయు ప్రకృతంబు ♦ వింత గొల్పెడును;
చింతామణియె నాదు ♦ చిన్నారిచిల్క.
బిల్వ - నా చింతామణేనా ? ఇన్ని దినాలనుండీ ఆమె రూపసీమను గాంచలేకున్నాను. అదియవాఙ్మౌనసగోచర! ఎట్లు చేరగలను? ఏమిచేయుదును? చింతామణీ, చింతామణీ, ఇక్కడే నాప్రాణాలు విడువవలసివచ్చునా ఏమి? దైవమా!
పిచ్చి - ప్రాణములు పోగలవా?... లేదులేదు - అవి పోవు - నీటిలో నురికినాను, - నీ రెండిపోయింది. అగ్నిలో పడ్డాను -
