ఈ పుట అచ్చుదిద్దబడ్డది
ఐదో అంకము
________
మొదటి రంగము
(బృందావనమున గోవర్ధనగిరి ప్రాంతము)
చింతా - లోగడ ఆత్మవంచన చేయడమునకు నీ వెన్నో వేషములు వేసినావు. శ్రీ కృష్ణు కృపారసము నీపైని వర్షించడాని కెట్టి వేషము వేయవలెనో ఎరుగుదువా ? మా నవులను వశపర్చుకోవడమునకు స్వర్ణాలంకారములను ధరించవలెను, చిత్తమును పాపపంకిల మొనర్చవలెను. ఇప్పుడో, వాటితో పనిసరి. ఇకను విభూతిధారణమే శరణ్యము. లేకుంటే శ్రీ కృష్ణుని కృపకు పాత్రురాలవు కావు - ఇట్టి సుందర పవిత్రాంగలేపన మిదివర కెరుగవు. (పులుము కొనును)
వేషభూషణముల ♦ వేడబము చెల్లె,
కేశపాశమ ! యికను ♦ కికురింప గలవె ?
నాదు మిత్రుడవని ♦ నన్ను వంచించి,
అందకాళ్ళకు మోద ♦ మందజేసితివి,