పుట:Bhoojaraajiiyamu.pdf/81

20

భోజరాజీయము ఆశ్వా. 1

క.⁠

ఆనరపతిరాజ్యంబున మానవు లందఱును ధర్మమార్గప్రవణుల్ దానత్యాగపరాయణు లానందరసార్ద్రచిత్తు లధికధనాఢ్యుల్.

⁠ 88

క.⁠

నరు లడిగినట్ల వానలు [1]గురియును, సస్యములు పండుఁ గొలఁదికి మిగులన్, సురభులు ఘనముగఁ బిదుకును, ధరణిఁ బ్రజావృద్ధి తనరుఁ దద్రాజ్యమునన్.

⁠ 89

వ.⁠

ఇట్లు సకలజనానురాగం బగు రాజ్యంబు నిరంతరపూజ్యంబై చెల్లుచుండఁ బెద్ద కాలంబు సనుటయుఁ బురాకృతకర్మంబు కారణంబుగా నప్పుడమిఱేనిమేన నతినికృష్టంబగు కుష్ఠరోగంబు ప్రవేశించిన నతండు.

⁠ 90

ఉ.⁠

'అక్కట! యేమి చేయుదు, మహౌషధసేవల దేవసేవలన్ దక్కక యీమహారుజ వృధా పరితాపముఁ బొంద నేల నే నిక్కడ నుండి చేయుపని యెయ్యది? గౌతమి కేఁగి యందులో స్రుక్కక మేను వైతు మఱిరోగము గీగము మాను నంతటన్.'

⁠ 91

క.⁠

అని తలంచి తనదు తలఁ పె వ్వనికిఁ బ్రకాశింపకుండ వసుధాపరిపా లనమునకుం దనతనుజ న్ముని నునిచి నిగూఢమార్గమున వెలువడియెన్.

⁠ 92

వ.⁠

ఇట్లు కృతనిశ్చయుండై యరుగుదెంచునారాజురాకఁ దన దివ్యజ్ఞానంబున నెఱింగి యమ్మహానది యాత్మగతంబున.

⁠ 93

ఉ.⁠

ఈతఁడు నన్నుఁ జొచ్చి తనహేయపుదేహము నుజ్జగించి ప్ర ఖ్యాతిగ నూర్ధ్వలోకములు గాంచుటకుం జనుదెంచుచున్నవాఁ, డీతనికుష్ఠగంధము సహించుట దుష్కర మేమిభంగిఁ బోఁ ద్రోతునొకో యితండు కడుదూరమునంద తొలంగునట్లుగన్.

⁠ 94

క.⁠

అని తలఁచి తగునుపాయము గని మునిభామినివిధంబు గైకొని శీఘ్రం

⁠

1. గురియుచు