59
భారత రమణి
యజ్నే-- సరే- పోవుచున్నాను కాని దావా తెచ్చెదను. ఊరుకొనను. చూడు నాదెబ్బ! (వెళ్ళును)
భక్తు-- (వెళ్ళుచూ) చూడు మాదెబ్బ.
కేదా--చూచెద లెండి. పిచ్చికుక్కల్లారా! ఈ పింజారిక్కడ యజ్ఞేశ్వరుడు నేడో రేపో చావనున్నాడు. వీనికి పెళ్ళి కావలెనట; ఇంకొక క్షణ మాగిన పెద్దపెళ్ళి చేసి పంపుదును. మహర్షిసత్తమా! భక్తగణము పారిపోయినది. చిరిగిన గుడ్డ పీలిక వలె మీరిచట జీరాడ నేల? అనుష్ఠానసమయ మాసన్నమైనది. ఆశ్రమమున కరిగి భగవద్గీతా పారాయణ మొనర్చుడు.
ఉపే-- నీదౌష్ట్యమునకు కారావాసమే శిక్ష !(పోవును)
కేదా--ఒకసారి కాదు. లక్షసారు లేగుటకు సిద్ధము,కర్తవ్యము నిర్వర్తించితి. తత్ఫలము దైవాధీనము.
సదా--కేదారా! ఎందరో గీతలను చదువుచుందురు- నీవో వాని నాచరణమునకు తెచ్చితివి. ఏదీ, నీకౌగిలిమ్ము....
కేదా--ఇంక మూడు నిముసముల వ్యవధి యున్నది
దేవే-- కేదారా! ఎంత పనిచేస్తివి!
కేదా--నన్నేమియు ననవలదు, జగడము పెరుగును.