ఈ పుట ఆమోదించబడ్డది
అది శరద్రాత్రి ; శీతచంద్రాత పాంత
రాళరమణీయ రజత తల్పంబు నందు
జల్లగా నిద్రపోవు వ్రేపల్లెవాడ
సకల గోపాల గోపికా గణముతోడ.
*
ఎలదేటి చిఱుపాట సెలయేటి కెరటాల
బడిపోవు విరికన్నె వలపు వోలె,
తీయని మల్లెపూ దేనె సోనల పైని
తూగాడు తలిరాకుదోనె వోలె,
తొలిప్రొద్దు తెమ్మెర త్రోవలో బయనమై
పరువెత్తు కోయిల పాట వోలె
వెల్లువలై పాఱు వెలది వెన్నెలలోన
మునిగిపోయిన మబ్బుతునక వోలె,
చిఱుత తొలకరి వానగా జిన్నిసొనగ,
పొంగి పొరలెడు గాల్వగా, నింగి కెగయు
కడలిగా బిల్ల గ్రోవిని వెడలు వింత
తీయదనముల లీనమైపోయె నెడద.
*
జిలిబిలి పట్టు రేకుల వెంట దొట్రిలు
మల్లియయెద దాగు మధుపరవము
కనుచూపు దాటు నామనిబాయు కోయిల
గొంతులో జిక్కువసంతగీతి
విభువీడి శుష్కించు విరహిణి సెలయేటి
కడుపులో నడగిన కడలి మ్రోత
