ఈ పుట అచ్చుదిద్దబడ్డది
పదవూ లొచ్చినంకా మనకోసమెవడైనా
ఒరిగినోడున్నాడా గోస దీర్చిండా ॥తాల్లో॥
ఎర్రెర్ర అంగీలు దొడిగీ నెత్తుటీ మడుగుల్లో మునిగీ
స్థూపంలో సుక్కయ్యి మీరు ఎంతెత్తు నిలిసిండ్రు సూడు
అమర వీరులంటే ఎవ్వరో గాదు
దళిత బహుజనులేరా దగా పడుతున్నం ॥తాల్లో॥
పొంగి పొర్లే వాగు వంకల్లో భూసారమంతెల్లిపోను
నింగిని ముద్దాడే తాళ్ళు భూతల్లికే గుండె ధైర్యం
నిలువునా గూలంగా దళారి సేతుల్లో
పురులూడి మనమోకు వలసెల్లి పోతుంది ॥తాల్లో॥
కలిసి మెలిసి ఉన్న మనలా ఎడబాపంగ జూసినోల్లు
కమ్మ కట్టు కులమంటూ కయ్యాలు బెట్టిండ్రు మనకూ
సర్వాయి పాపన్న స్ఫూర్తితో మనమంతా
అన్నదమ్ములోలె కట్టు మీదుండాలే ॥తాల్లో॥
395
అంబటి వెంకన్న పాటలు
