పుట:Ambati Venkanna Patalu -2015.pdf/396

వికీసోర్స్ నుండి
ఈ పుట అచ్చుదిద్దబడ్డది

బతుకమ్మ పాట



బతుకమ్మ బతుకమ్మ ఉయ్యాలో
బంగారు గౌరమ్మ ఉయ్యాల
తీరొక్క పువ్వుల్లో తిరునాల
తెలంగాణ బతుకమ్మ ఉయ్యాల ॥బతుకమ్మ॥

బోనమెత్తిన పల్లె ఉయ్యాలో
బొడ్డెమ్మతో మొదలు ఉయ్యాల
గడ్డిపూలు బేర్చి ఉయ్యాలో
గంతేసి ఆడేరు ఉయ్యాల
కన్నెపిల్లలాట ఉయ్యాలో
కోలాట పాటలు ఉయ్యాల ॥బతుకమ్మ॥

ఇంటింట బతుకమ్మ ఉయ్యాలో
ఇలవేలుపయ్యింది ఉయ్యాల
సకల సంపదనిచ్చే ఉయ్యాలో
సల్లని బతుకమ్మ ఉయ్యాల
తల్లులు పిల్లలు ఉయ్యాలో
తల మీద మోసెనే ఉయ్యాల ॥బతుకమ్మ॥

పెత్తరామసకు ఉయ్యాలో
పెద్దల్ని దలిసేరు ఉయ్యాల
ఎంగిలి పువు దెచ్చి ఉయ్యాలో
ఏసేరు సప్పట్లు ఉయ్యాల
ఒక్కొక్క పువ్వేసి ఉయ్యాలో
వయ్యారి అడుగేసి ఉయ్యాల ॥బతుకమ్మ॥

అంబటి వెంకన్న పాటలు

396