188
ఆనందమఠము
గ్లీషు సైనికులను జూచి “ఓ యాంగ్లేయులారా! నే నేమో చచ్చితిని. ప్రాచీనపు ఇంగ్లాండు పేరును గాపాడుకొనుఁడు. మీపై ఏసు క్రీస్తు ఆన యున్నది. మొట్టమొదట నన్నుఁ గొట్టి పిదప నీవిద్రోహియగు కాఫరునిఁ గొట్టుఁ” డనియెను.
“బై” యని యొక తుపాకిగుండెగిరెను. ఒకఁడు ఐరిష్ దేశపు కేప్ట౯ థామసు యొక్క తలకు గుఱి పెట్టి తుపాకిని గాల్చెను. అవి లలాటమునకుఁ దగిలి కేప్ట౯ థామసు ప్రాణమును గైకొనెను. భవానందు డప్పుడు ఎలు గెత్తి చెప్పినదేమనగా :— నా బ్రహ్మాస్త్రము వ్యర్థ మాయెను. ఈ సమయంబున పార్థ వృకోదర నకుల సహదేవులవలే నుండువారెవరువచ్చి నన్ను గాపాడెదరు? చూడుఁడు; బ్రాణహతమైన వ్యాఘ్రమువలె ఎఱ్ఱని జనులు నామీఁదికి వచ్చుచున్నారు. నేను చచ్చుటకై వచ్చి యున్నాను. నాతోఁ జచ్చుటకై సిద్ధులైన సంతాను లెవ రున్నారు?’ అనెను.
మొదట ధీరానందుఁడు ముందు పడెను. వానివెనుక జీవానందుఁడు —— వాని వెనుక నొక్క రొక్కరుగను, గుంపులు గుంపులుగను సుమారు ఏఁబదుండ్రు జనులు వచ్చిరి. భవానందుఁడు, ధీరానందునిఁ జూచి, ‘నీవు నాతోఁగూడఁ జచ్చుటకై వచ్చితివా!’ యని యడిగెను.
జీవానంద —— చచ్చుటకు నీక్కొక్కనికి మాత్రము హక్కు లేదు —— అని చెప్పి యొకయెఱ్ఱమూతి వానిని ఆహుతునిఁగా గొట్టెను.
భవానంద —— అది కాదు. చచ్చినచో ఆలుబిడ్డల ముఖమును జూచుకొని కాలహరణము చేయుటకు లేదు:
