ఈ పుట అచ్చుదిద్దబడ్డది
112
ఉమర్ ఖయ్యామ్
438
తరుణీసంగమమున్, సురాసవము నెందాఁ కీవు కాంక్షింతువో
మురళీగాన వినూత్న వాద్యముల యామోదంబులం దాఁక నీ
చెఱుఁగున్ వీడవు ; వమ్ము లీపథము లిస్సీ ! యైహికాపేక్షలన్
దెరలన్ ద్రోయకయున్న మిథ్యసుమి యీ దృశ్యంబు నశ్యంబగున్.
439
"షావాసురజ్జబుల" సురఁ
ద్రావఁగ వలదందు రవియుఁ బ్రభువైన రసూస్,
దేవుని నెల లని ; సరె నేఁ
ద్రావెద సుర స్వేచ్ఛగాఁగ "రజాను"నెలన్.
440
వారముల నెల్ల సురఁ ద్రావవలయు ; శుక్ర
వార మని మానవలవ ; దే వారమైన
సమమె మా మతమందు ; వారముల కీవు
భక్తుఁడవు కాకు మీశ్వర భక్తుఁడగుము.
441
దొన్నెలను వీడి కలశంబుతోడ మధువు
ద్రావు మిగి శుక్రవారము ప్రతిదినంబు
కన్నఁ బదిరెట్లు సురఁద్రావ గర్జ మిందు ;
వారముల ఱేఁడు గద శుక్రవార మన్న.
