పుట:2015.391574.BHAKTIRASA-SHATAKA.pdf/265

254

భక్తిరసశతకసంపుటము

క.⁠

నీచిన్నారికరంబులు నీచారుపదాంబుజములు నీచిఱునగవుల్ నీచక్కఁదనము పొడఁగని వాచస్పతికైనఁ బొగడవశమె ముకుందా.

⁠ 46

క.⁠

రాజిలుచు నిన్ను గోపక రాజస్యలు శయ్య నునిచి రాగముతోడన్ జోజోయని పాడుదురఁట రాజీవదళాక్ష లోకరక్ష ముకుందా.

⁠ 47

క.⁠

రుచిరాకారముచే విష కుచయగురక్కసిని బట్టి కూల్చితివఁట నీ ప్రచురప్రభావములు సుర నిచయము గొనియాడ శరదనీల ముకుందా.

⁠ 48

క.⁠

నిండినతేజము గదురగఁ జండోగ్రనికాశకోపసంయుక్తుఁడవై బండిని గూల్చితివౌ నీ దండితనం బెన్న నెవరితరము ముకుందా.

⁠ 49

క.⁠

సల్లలితమృదులకరపద పల్లవములు దగుల నెలమి పాల్ద్రావుతఱిన్ ముల్లోకంబులు ముఖమునఁ దల్లికిఁ గనఁబఱుపలేదె దయను ముకుందా.

⁠ 50

క.⁠

చక్రానిలదనుజుఁడు నిను విక్రమమునఁ గొనుచు గగనవీథి జనుతఱిన్

⁠