దశమస్కంధపూర్వోత్తరభాగకథాసూచకపద్యములు
| క. |
వసుదేవుఁడు దేవకియును
వసుదేవముఖుల్ నుతింప వాత్సల్యమునన్
వసుమతి నిను బుత్త్రునిగాఁ
గుసుమాయుధరూప కనరె గోరి ముకుందా.
| 41
|
| క. |
నందయశోదామిథునము
నందనుఁడవటంచు నిన్ను నమ్మియుఁ బరమా
నందాబ్ధిమగ్నమౌ లోఁ
జెందినప్రేమాతిశయముచేత ముకుందా.
| 42
|
| క. |
కృష్ణాష్టమియం దిలపై
కృష్ణాఖ్యను జనన మొంది కితపతతిని వ
ర్ధిష్ణుఁడవై తునిమితివౌ
యుష్ణాంశునికాశతేజ మొప్ప ముకుందా.
| 43
|
| క. |
సుజనచకోరము లలరఁగఁ
గుజనాంభోజాతతతి ముకుళత వహింపన్
ద్విజరాజవంశశరధికి
ద్విజరాజవు కావె దివిజనినుత ముకుందా.
| 44
|
| క. |
కలుషధ్వాంతము విరియఁగ
విలసితపుణ్యాంబుజములు వికసిల్లఁగ భూ
తలమున శ్రీకృష్ణాఖ్యను
జలజాప్తునివిధము గొనవె సదయ ముకుందా.
| 45
|
