పుట:2015.391574.BHAKTIRASA-SHATAKA.pdf/212

రుక్మిణీపతిశతకము

201

⁠

చోరక సోమకాసురనిషూదనతన్ దొలుపల్కులోలిమై వారిజగర్భు నందిడినవారిచరాత్మక రుక్మిణీపతీ.

⁠ 33

ఉ.⁠

కవ్వము గాఁగ మందరనగంబు భుజంగమరాజు రజ్జుగా నివ్వటిలం బయోదధి ననేకసురాసురకోటి మొత్తమై క్రొవ్వునఁ ద్రచ్చుచుం; బిదపఁ గొందల మందఁగ నద్రి కూర్మతన్ నివ్వెఱఁగొందఁ దాల్చి కరుణించితి వారల రుక్మిణీపతీ.

⁠ 34

ఉ.⁠

భీకరసూకరాత్మకత బిట్టదరంగ నజాండభాండముల్ వీఁక ధరిత్రిజుట్టి యతివీరు హిరణ్యవిలోచనున్ మహో ద్రేకముతో విఘాతమొనరించి విషాణమునందు నీధరన్ జోక యొనర్చి పూని మునుచొప్పున నుంచితి రుక్మిణీపతీ.

⁠ 35

చ.⁠

పటపటలీనఁ గంబమున బల్విడి వెల్వడి శాతహేతి ను త్కటనఖరాగ్రఘాతకలధౌతకశిప్వరివిగ్రహాంత్రసం ఘటితశిరోధివై విబుధకంటకసూతిని బ్రోచి తీవె కా పటునరసింహరూపత సుపర్వులు మెచ్చఁగ రుక్మిణీపతీ.

⁠ 36

ఉ.⁠

వేదపురాణశాస్త్రముఖవిద్య నమేయత దేవతావనా పాదనమంచు వామనత బాగుగఁ బూని పదత్రయంబు స మ్మోదముతోడ దైత్యకులముఖ్యు బలీంద్రుని వేఁడి లోక మ త్యాదరణంబునన్ బలికి నర్పణ జేసితి రుక్మిణీపతీ.

⁠ 37