పుట:2015.391574.BHAKTIRASA-SHATAKA.pdf/213

202

భక్తిరసశతకసంపుటము

చ.⁠

పరువడి రాజసంఘములఁ బట్టి కఠోరకుఠారధారతో నిరువదియొక్కమాఱు వధియించి భయంకరతత్తనూత్కరో త్సరదురురక్తపూరదివిషన్నదిఁ బైతృకతర్పణంబు నిం పరయఁగఁ జేసి భార్గవత భాసిలితౌగద రుక్మిణీపతీ.

⁠ 38

ఉ.⁠

దేవత లుబ్బఁగాఁ బితృనిదేశమునన్ బహుజంతుసంతతో గ్రావని కేఁగి యం దనుచరాయితవాయుసుతుండవై లస ద్రావణకుంభకర్ణముఖరాక్షసవీరవినాశనంబు స ద్భావతఁ జేసి రాఘవత భాసిలితౌగద రుక్మిణీపతీ.

⁠ 39

చ.⁠

హలహతిచేఁ గళిందతనయాపరిభేదన మాచరించి దో ర్బల మలరంగ దుష్టమతి బాలిశధేనుకముష్టికాసురా విలయ మొనర్చి లోకముల విశ్రుతిఁ జెందిన యోగ్రసాధనా కలితకరుండవై బలతఁ గాంచినదేవర రుక్మిణీపతీ.

⁠ 40

ఉ.⁠

సుందరరూపలౌ త్రిపురసుందరులన్ వరియించి బౌద్ధతన్ బొంది రయంబున ద్రిపురపూర్వసుపర్వులఁ జంపునప్పు డా చందురుదాల్చుదేవరకుఁ జాపశరాసన సాధనంబు లా నందము మీఱఁగా నని నొనర్చితివౌగద రుక్మిణీపతీ.

⁠ 41

చ.⁠

తురగము నెక్కి ఘోరతరదుష్కృతసాంద్రమలీమసంబునౌ

⁠