దిట్టకవి రామచంద్రకవిప్రణీత
మహిషాసురమర్దనిశతకము
| ఉ. |
శ్రీవనితాసరస్వతులు చిత్తమెలర్పఁగఁ గ్రేవలన్ భవ
ద్భావమెఱింగి సేవనెఱపన్ సురపంక్తి భజింప లోకముల్
వావిరి నేలు నీకు ననువారము మ్రొక్కుదు హృద్యపద్యగ
ద్యావళి నామతించి మహిషాసురమర్దని పుణ్యవర్ధనీ.
| 1
|
| ఉ. |
ఔనని యాజగజ్జనకుఁడైన మహేశునకంటె లెస్సగాఁ
బూని సమస్తలోకములు పోషణ జేసెడి తల్లివౌకదా
జానుగ నన్ను షణ్ముఖునిచాడ్పున మన్నన సేయవమ్మ నీ
కానతి సేతునమ్మ మహిషా...
| 2
|
| ఉ. |
తారకపర్వతాగ్రపరితఃపరిపుష్పితసత్కదంబకాం
తారసభాంతరస్థలసుధాకర రత్నమృగేంద్రపీఠిపైఁ
జేరి జగంబు లేలుశశిశేఖరగేహిని వైననిన్నుఁ జె
న్నార భజింతునమ్మ మహిషా...
| 3
|
| చ. |
అమరులు నీకు సైన్యతతు లాగమముల్ స్తుతివందిపాఠకుల్
రమ చెలికత్తె శారదచిరంటి సురాలయముఖ్య సర్వలో
|
|
