పుట:2015.391574.BHAKTIRASA-SHATAKA.pdf/131

వికీసోర్స్ నుండి
ఈ పుట అచ్చుదిద్దబడ్డది

120

భక్తిరసశతకసంపుటము


కములకు నీవ యీశ్వరివి కావున మ్రొక్కెద నీపదాబ్జదా
స్యము దయ సేయవమ్మ మహిషా...

4


చ.

శుభము లొసంగ సత్కరుణఁ జూడ నిఁకెవ్వరు నీకెచెల్లు వి
శ్వభరిత యోకదంబ వనవాసిని యోసువికాసినీ నిజం
బభినుతి జేతు నీపదము లాత్మదలంచి యహర్నిశంబు నా
కభయ మొసంగుమమ్మ మహిషా...

5


చ.

అకలుషవృత్తి నిన్ గొలుచునంతనె యెంతటివానికైన న
మ్మిక జనియించి కష్టము శమించి ఫలింపకయున్నె మేలుమేల్
ప్రకటసుఖంబు కంబుసుగళాబగళా యఖిలాండకోటినా
యకివిగదమ్మ మహిషా...

6


చ.

నిమిషముమాత్ర మింతె మది నిన్ను దలంచినవాని కెన్నఁడున్
శ్రమ జనియంప దెన్నఁడు సుఖంబుగ సన్మణిపీఠి నిల్పి తా
నమితసువర్ణపుష్పముల నర్చనఁజేసెడు పుణ్యమూర్తిభా
గ్యము తరమా నుతింప మహిషా...

7


ఉ.

నీసరి వేల్పు వీవె మఱి ని న్మది నమ్మినవాని కెన్నఁడున్
వీసరపోవ దెన్నఁడును విశ్రుతసంపద యోకదంబసం
వాసిని యోమదంబ ననువారము నీకరుణారసంబుఁ బే
రాస యొనర్చినాఁడ మహిషా...

8