పుట:2015.390519.Shashamka-Vijayamu.pdf/112

112

శశాంక విజయము

ఉ.⁠

లాలితరూపయౌవనకళారసధాముఁడు సోముఁ డర్థిమై వేలుపుటొజ్జపజ్జ నొగి విద్యలు నేర్చుచు నుండ వానియి ల్లా లొకచోటఁ దా నతని కంగజవిద్యలు నేర్పి సాహసో ద్వేలతఁ జంద్రుఁ దోడ్కొని తదీయగృహంబున కేఁగె నంతటన్.

⁠ 193

క.⁠

ఆచందము వేవేగన్ వాచస్పతి వచ్చి తెలుప వాస్తోష్పతి దా సైచఁగయేచిన కినుక న్జూచి విధునిమీఁద సైన్యములతో వెడలెన్.

⁠ 194

ఉ.⁠

చందురుఁ డొక్కరుండు బహుసంగరకోవిదు లై కడంగుసం క్రందనవహ్నిముఖ్యరథికప్రవరు ల్మఱి వేనవేలు వా రందఱు నొక్కనిం బొదువునప్పు డుపేక్ష యొనర్పఁ బాడియే యిందున కీవు బాసటయి యిందునకుం జయ మిమ్ము భార్గవా!

⁠ 195

వ.⁠

అనిన దరహాసభాసురముఖుండై శుక్రుం డిట్లనియె.

⁠ 196

శా.⁠

ఏమేమీ కడువింత వింటిమి బళీ! యిల్లాండ్రలోఁ దార బ ల్సామే చంద్రుని ముఖ్యశిష్యునిగ నెంచంబోలు మా కింక సు త్రామాదు ల్వడిఁ జుట్టుకొన్న శశిమీఁదన్ రేఖ గానిత్తునే నామాహాత్మ్యముఁ జూడుమా గురుని నిందామగ్నుఁ గావించెదన్.

⁠ 197

క.⁠

సురసంయమివర! మీకున్ బెరిమన్ దృప్తిగను విందుఁ బెట్టించెద సం గరమున మీరు నిజేచ్ఛా పరతం జనుఁ డందుఁ బంచి భార్గవుఁ డంతన్.

⁠ 198

క.⁠

వృషపర్వాదిమహాసుర వృషభుల రావించి చంద్రువిధముఁ దెలిపి యీ విషమసమయంబునను నని మిషులం గెల్తుమని నీతి మెఱయఁగ నంతన్.

⁠ 199

క.⁠

శీతాంశునిచెంతకు నొక దూతం బనిపించి తాము దోడ్పడురీతుల్ ప్రీతి వినఁ జేసి దైత్యస మేతముగా శుక్రుఁ డచటి కేతెంచుటయున్.

⁠ 200