పుట:2015.386124.adhiqs-eipa-shatakamulu.pdf/88

సీ.⁠

అబ్బ మేలోర్వలేనట్టివాఁడైనను             మోహంబుగల తల్లి మూఁగదైన ఆలు రక్కసియైన నల్లుఁ డనదయైనఁ             గూతురు పెనుఱంకుఁబోతుదైనఁ గొడుకు తుందుడుకైనఁ గోడలు దొంగైనఁ             దనకు సాధ్యుఁడుగాని తమ్ముఁడైన గృహకృత్యములు పొరుగిండ్ల వెంబడిఁ బోయి             చెప్పి యేడ్చెడు చెడ్డచెల్లెలైన నరుని ఖేదంబు వర్ణింపఁ దరము గాదు అంతటను సన్యసించుట యైన మేలు మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 12

సీ.⁠

విధవ చెవులకేల యరిది వజ్రపుఁ గమ్మ             లురుకు తొత్తుకు విటుఁ డుండనేల గ్రుడ్డిముండకు మంచి గొప్పయద్దంబేల             సరవి గుడిసెకు బల్ చాందినేల యూరఁబందులకుఁ బన్నీరుగంధంబేల             బధిరున కల వీణపాటలేల కుక్కపోతుకు జరీకుచ్చుల జీనేల             పూఁటకూళ్ళమ్మకుఁ బుణ్యమేల తనకు గతిలేక యొకఁడిచ్చు తఱిని వారి మతులు చెరపెడి రండకుఁ గ్రతువులేల మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 13

సీ.⁠

అలకాధిపతి నేస్తమైనప్పటికిని బా             లేందుమౌళికి బిచ్చమెత్తవలసెఁ గమలాసనుని కెంత కరుణ రా నడచినఁ             గలహంసలకుఁ దూటి కాడలేదు

⁠