భానుకోటి ప్రభాభాసురంబగు వెల్గు
పరులు చూచినఁ గానఁబడని వెల్గు
గురుకృపచేఁ గాక నరయనేరని వెల్గు
నమృతంపు వృష్టిచే నమరు వెల్గు
విద్యుల్లతాపరివేష్టితంబగు వెల్గు
ఘననీలకాంతులఁ గ్రక్కు వెల్గు
దశవిధప్రణవనాదములు గల్గిన వెల్గు
మౌనులెన్నఁగ రమ్యమైన వెల్గు
ఆదిమధ్యాంతరరహితమైనట్టి వెల్గు
నిట్టి వెల్గును సేవింపనట్టి చెట్ట
వారికే లభించు కైవల్యపదము
మదరిపువిఫాల మునిజనహృదయలోల
వేణుగోపాల భక్తసంత్రాణశీల!