పుట:2015.386124.adhiqs-eipa-shatakamulu.pdf/83

వేణుగోపాలశతకము

సీ.⁠

కౌస్తుభవక్ష శ్రీకరపాదరాజీవ             దీనశరణ్య మహానుభావ కరిరాజవరద భాస్కరకోటిసంకాశ             పవనభుగ్వరశాయి పరమపురుష వేదవేద్యానంతవిభవ చతుర్దశ-             భువనశోభనకీర్తి పుణ్యమూర్తి వైకుంఠపట్టణవాస యోగానంద             విహగరాడ్వాహన విశ్వరూప నీలనిభగాత్ర శ్రీరమణీకళత్ర సద్గుణస్తోమ యదుకులసార్వభౌమ మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 1

సీ.⁠

నిను సదా హృత్కంజమునఁ బాయకుండ నా             ప్రహ్లాదువలెను నేర్పరిని గాను ఏవేళ నిను ధ్యానించుచుండుటకు నా             దృఢచిత్తుఁ డైనట్టి ధ్రువుఁడ గాను సతతంబు నిన్ను సంస్తుతి చేయుచుండ నా             వేశిరంబుల సర్పవిభుఁడ గాను నీ విశ్వరూపంబు సేవించుటకు సహ-             స్రాక్షముల్ గల్గు వాసవుఁడఁ గాను ఇట్టివారలఁ గృపజూచు టెచ్చుగాదు దేవ నా వంటి దీనుని బ్రోవవలయు మదరిపువిఫాల మునిజనహృదయలోల వేణుగోపాల భక్తసంత్రాణశీల!

⁠ 2