హంకారంబులు కోట్లసంఖ్యయగు మోహంబాయనంతంబు దు
ష్పంకాభార మపార మిన్నిగల భూపవ్రాతసర్పాళి ని
శ్శంకం బ్రాజ్ఞులు చేర వోవుదురె కృష్ణా! దేవకీనందనా!71
శా. చీమల్‌ పుట్టలు పెట్టుచుండ నవి విస్తీర్ణంబు గావించినన్‌
పాముల్‌ జేరినరీతి లోభిజనసంపన్నార్థరాసుల్‌ వృథా
భూమీపాలుల పాలుగాక చనునా పుణ్యంబులే లొల్లరో
సామాన్యంబు ధనాధినాథులకుఁ గృష్ణా! దేవకీనందనా!72
మ. అదనం బొద్దులనీడచందమున నిచ్చల్‌ సృక్కి దుష్టాత్ముసం
పద పెంపై ధరనిల్వదించుకయు సౌభాగ్యప్రభాభాసియై
పొదలున్‌ మాపటినీడకైవడి భవత్పూజావిధేయజ్ఞుఁడై
సదయుం డైనను లేమి జేకురునె కృష్ణా! దేవకీనందనా!73
శా. కీడున్‌ మేలును వచ్చుఁ గర్మవశతన్‌ క్రీడాగతిన్‌ జోకలై
వాడల్‌ వచ్చును బండ్లునొక్కెడధర న్నొక్కప్పుడున్‌ బండ్లపై
వాడల్‌ నౌఁ గద దేశకాలగతి శీతోష్ణంబు లీరీతి నే
జాడన్‌ వచ్చును దుఃఖసౌఖ్యములు కృష్ణా! దేవకీనందనా!74
శా. అంతశ్శత్రుల గెల్వలేరు మమతాహంకారము ల్మానలే
రింతే మూర్ఖము వీడలేరు భవదీయాంఘ్రిద్వయీచింతనా
పుట:2015.370800.Shatakasanputamu.pdf/157
ఈ పుట అచ్చుదిద్దబడ్డది
