పుట:హంసలదీవి వేణుగోపాల శతకము.pdf/9

సీ.⁠

గిరులచే సర్వదిక్కరులచేఁ గాకున్న                    నీవు ధరించిన నిలిచె ధాత్రి సురలచే యామినీచరులచేఁ గాకున్న                    నీవు బూనిన సుధానిధి లభించె హరునిచే భారతీవరునిచేఁ గాకున్న                    నీవల్ల రాక్షసాభావమయ్యె నరునిచే నుర్వి నెవ్వరిచేతఁ గాకున్న                    నీవల్ల మనె ధరాదేవసుతుఁడు

⁠

తే.⁠

నీ కసాధ్యంబు గలదె వర్ణించిచూడ భావజవిలాస! హంసలదీవివాస! లలితకృష్ణాబ్దిసంగమస్థలవిహార! పరమకరుణాస్వభావ! గోపాలదేవ!

⁠ 22

సీ.⁠

పలికినప్పుడె సర్వపాపముల్ బాయు నీ                    నామంబు బలుకని నాలుకేల వినినయప్పుడె మనోవిజయమౌ మీకథల్                    విననేరకుండిన వీనులేల జూచినప్పుడె మహాశోభనంబగుమిమ్ము                    జూడఁగోరని యట్టి చూపులేల సేయునప్పుడె కార్యసిద్ధియౌ మీపదా                    ర్చన సేయలేని హస్తంబు లేల

⁠

తే.⁠

జ్ఞానవిషయంబు లీరీతి మాననగునె భావజవిలాస! హంసలదీవివాస! లలితకృష్ణాబ్దిసంగమస్థలవిహార! పరమకరుణాస్వభావ! గోపాలదేవ!

⁠ 23

సీ.⁠

క్రతుతపోదానసువ్రతసమాచారులై                    ప్రీతి తత్ఫలము లర్చించువారి మృత్తికాదారునిర్మితరూపు గాంచి                    స్థిరభక్తి మిమ్ము నర్చించువారి సుత దాస ధేను సంతతుల నీనామాంకి                    తుల జేసి పేరుగా బిలచువారి శుకశారికలకు సారెకు నుక్కెరల బెట్టి                    నీనామముల బల్క నేర్పువారి

⁠

తే.⁠

చేరి రక్షించుదువు వారివారి కొలదిఁ భావజవిలాస! హంసలదీవివాస! లలితకృష్ణాబ్దిసంగమస్థలవిహార! పరమకరుణాస్వభావ! గోపాలదేవ!

⁠ 24