పుట:హంసలదీవి వేణుగోపాల శతకము.pdf/29

సీ.⁠

తిరుమలగురువరచరణాంబురుహతీర్థ                    సేవనంబే తీర్థసేవనముగ సతతోర్ధ్వపుండ్రలాంచితవైష్ణవానన                    దర్శనంబే భవద్దరిశనముగ రామగోవింద నారాయణాచ్యుతనామ                    పఠనమే వేదాంతపఠనములుగ అర్చావతార త్వదర్పితదివ్యప్ర                    సాదసిద్ధి భవత్ప్రసాదసిద్ధి

⁠

తే.⁠

గాఁ దలఁతు నింక మా కేల గల్గు శంక భావజవిలాస! హంసలదీవివాస! లలితకృష్ణాబ్దిసంగమస్థలవిహార! పరమకరుణాస్వభావ! గోపాలదేవ!

⁠ 82

సీ.⁠

ఎప్పుడు విషయభోగేచ్ఛ బాయక యుండు                    నెప్పుడ సద్గోష్ఠి నెనసియుండు ఎప్పు డంతశ్శత్రుహితకారియై యుండు                    నెప్పు డీషణవాంఛ దప్పకుండు నెప్డు తపస్సున నెనసి వర్తిలకుండు                    నెప్పుడు నీసేవ నెనయకుండు నెప్పు డీహార్ధమోహితవృత్తిచే నుండు                    నెప్పు డాత్మజ్ఞాన మొప్పకుండు

⁠

తే.⁠

ఇట్టినామది ని న్నాశ్రయించు టెపుడొ భావజవిలాస! హంసలదీవివాస! లలితకృష్ణాబ్దిసంగమస్థలవిహార! పరమకరుణాస్వభావ! గోపాలదేవ!

⁠ 83

సీ.⁠

ఇంతకాఠిన్య మాయంతరంగము? నాఁడు                    చింతించువారి రక్షింపలేదె బుద్ధి నెంచక నింతబుద్ధత్వమా? నాఁడు                    శాంతపూజాటనశక్తి లేదె భావింప నింత పైఫైమాటలా? నాఁడు                    లోపలిభువనముల్ చూపలేదె యొక్కకోవెల నింత యొదిగియుంటివె? నాఁడు                    బహుహేమమయహర్మ్యపంక్తి లేదె

⁠

తే.⁠

కలదె ద్వారకఁ గలనాటి బలిమి నీకు భావజవిలాస! హంసలదీవివాస! లలితకృష్ణాబ్దిసంగమస్థలవిహార! పరమకరుణాస్వభావ! గోపాలదేవ!

⁠ 84