ఈ పుట ఆమోదించబడ్డది
96
సౌగంధిక ప్రసవాపహరణము
కదుపువై చనుమూషకములకు బొంచి
రాగించు బలుబిడాలములపై దూరి
మూగిన రేచుగుంపులు మీర గొప్ప
గించు బెబ్బులులపై గినియు భల్లూక
సంచయంబుల నొంపఁ జనువరాహముల
బోనీక మార్కొనబోవ నేనుఁగుల
పైన లంఘించి కుంభంబుల వ్రచ్చి
మనుచు వేలె నని యంభోజవదన
ననుపమానందసమంచితామోద
లలితలతాంతపల్లవ పుష్పప్రతతి
వలనొప్ప శృంగారవనము సొత్తెంచి
తన కైశ్యవదన నేత్రకపోలములకు
తన కాళికాధరదంత వాక్తతికి
తనకంఠ బాహులతాహస్తములకు
తన కుచరోమాళితనుమధ్య దేశ
ఘనతరనాభికాకటిభోగములకు
తనయూరుజంఘాపదర్వయగతుల
కమరసమానంబు లైనవస్తువులు
