పుట:సింహాసన ద్వాత్రింశిక (కొరవి గోపరాజు).pdf/428

నవమాశ్వాసము

367

సీ.⁠

అష్టభోగంబుల నైశ్వర్యమునఁ గళ         జలవైరిఁ బురవైరిఁ బద్మవైరి నతిశక్తి నిలుకడ వితరణగుణమున         నహిరాజు నగరాజు[1] నంగరాజు నాహవోత్సవమున నభిమానమునఁ గీర్తిఁ         గపికేతు ఫణికేతు గరుడకేతు దృఢముష్టిఁ జేసూటి దివ్యాస్త్రసామగ్రి         బలరాము రఘురాముఁ బరశురాముఁ

⁠

ఆ.⁠

[2]బావనత్వమున ఘనసంపత్తి దీప్తి ననిలమిత్రుని హరమిత్రు నబ్జమిత్రుఁ బోలు నితఁడని జనులెల్లఁ బొగడుచుండ నవనితల మేలె నావిక్రమార్కవిభుఁడు.

⁠ 5

ఉ.⁠

వాసవు మీఱి నిత్యవిభవంబునఁ బేదలఁ బ్రోచి వైరిసం త్రాసవిహీనుఁడౌ నతఁడు రాజ్యము మంత్రుల కప్పగించి ష డ్మాసముల న్విదేశగమనంబు చలించుచు నుండ నొక్కెడన్ వేసవి వచ్చెఁ బాంథులకు వేసట వుట్టఁగ వెట్ట గొట్టఁగన్[3].

⁠ 6

ఉ.⁠

ఎండకు లావు గల్గఁగ మహీరుహశాఖల నాకు లెల్లఁ బె ల్లెండల వేఁగ నెందు జల మింకఁగ సుక్కఁగఁ బద్మషండ ము ద్దండము గాఁగ లోకులు యథావిధి నీడలు గోరుచుండఁగా రెండవసూర్యునట్లు ప్రసరించె నిదాఘము తద్గుణంబులన్.

⁠ 7

క.⁠

విరహులమనముల దినమును బరితాపం బినుమడింపఁ బరిమళములచే

⁠

1. గిరిరాజు
2. చాపనైపుణీసంపద సారశక్తి నచ్యుతునిమిత్రు
3. వెట్ట లంటగన్