పుట:సింహాసన ద్వాత్రింశిక (కొరవి గోపరాజు).pdf/423

362

సింహాసన ద్వాత్రింశిక

⁠

[1]నమరవరులైన నీవశిత్వమునఁ జిక్కి మాఱువల్కరు కైకొమ్ము మమ్ముఁగూడ.

⁠ 197

వ.⁠

ఈయష్టసిద్ధులకు మేము పరకాయప్రవేశాద్యుపసిద్ధులము. తత్పరిచారికాసహస్రసహితంబుగా నీరాజ్యంబు గైకొని యందఱు నేలుకొ మ్మనిన నతివిస్మితుండై యతండు నయవినయంబుల నిట్లనియె.

⁠ 198

క.⁠

మీరలు దేవత లన్యులఁ గోరం దగ దేను దీర్థగుణ మెఱుఁగఁగ నా నీరంబుల మునిఁగితి మీ కారుణ్యవిలోకనంబు గలిగినఁ జాలున్[2].

⁠ 199

క.⁠

అని మ్రొక్కి లేచి చనఁజూ చిన నాతలఁ పెఱిఁగి యష్టసిద్ధులు నగుఁ గై కొను మని యెనిమిదిరత్నము లనిమిషసతు లిచ్చి వెడల ననిపిరి నృపతిన్.

⁠ 200

మ.⁠

అకలంకుం డగు నమ్మహీవరవరుం డానందసంస్ఫూర్తిచే వికసన్మానసుఁ డై ప్రసిద్ధవనము ల్వీక్షించుచు న్వింధ్యభూ మికి గోదావరి దాఁట కాఱడవిఁ బేర్మిం బోవుచో నొక్కవి ప్రకుమారుం గనియె న్నిరంతరగళద్బాష్పాకులప్రేక్షణున్.

⁠ 201

చ.⁠

కని యిది యేల యేడ్చెదవు కానలఁ గ్రుమ్మర నేటికన్న నో మనుజవరేణ్య నాజనని మజ్జనకుం గడు దూఱె దూఱిన న్మనమునఁ గంది యాతఁ డభిమానముతో వనభూమి కేగె నా తని నరయంగఁ ద్రిమ్మరుచు దవ్వుగ వచ్చితిఁ గాన నావుడున్.

⁠ 202

1. అమరవరు లౌదు రీవశిత్వమునఁ గాన, మాఱువల్కక కైకొమ్ము మమ్ముఁ గూడ
2. గలిగెం జాలున్