పుట:సింహాసన ద్వాత్రింశిక (కొరవి గోపరాజు).pdf/268

పంచమాశ్వాసము

207

క.⁠

యోగము కల్మషబంధవి యోగము పంచేంద్రియాభియోగము, పుణ్యో ద్యోగము, ముక్తివధూసం యోగము పరతత్త్వపదనియోగము సుమ్మీ.

⁠ 14

ఆ.⁠

దుఃఖసాధ్యమయ్యుఁ దొడరి యభ్యాసంబుఁ జేయఁజేయ యోగసిద్ధిపెంపు దినఁగఁ దినఁగ వేము తియ్యనౌకైవడిఁ బిదపఁ బరమహర్షపదము సుమ్ము.

⁠ 15

సీ.⁠

హఠయోగమంత్రయోగాష్టాంగయోగసా         ధనయోగలయయోగధర్మములకు యమనియమాసనధ్యాన ధారణశక్తి         బవననిరోధంబుఁ బట్టుకొలిపి నాభిచక్రోపరినలినమధ్యంబున         నీవారశూకసన్నిభ విభాతి వెలిఁగెడు తేజంబువెలుఁగున గరఁగిన         యమృతంబు మదిలోన ననువువార

⁠

తే.⁠

నందుఁ గలుగుట సచ్చిదానందమయ్యె నచటితేజస్స్వరూపంబె యచ్యుతుండు పంచవింశతితత్త్వప్రపంచమునకు నతఁడె కారణ మాదినారాయణుండు.

⁠ 16

క.⁠

కరణాసనభేదంబుల వెర వెఱఁగి తదంగయోగవితరణసరణిం బరికించి పెనఁగనేర్చిన మరగుఁ జుమీ ము క్తికాంత మర్మజ్ఞునకున్.

⁠ 17