82
సత్యభామాసాంత్వనము
యింతులకన్నను ముందుగఁ
బంతులు మెఱయంగ వచ్చి పైఁబడు వేడ్కన్.
చ. మొలకమెఱుంగుచన్ను లురముం గదియించి తొడ ల్గళంబు చే
తులఁ గొని గ్రుచ్చి యెత్తి దయతో మరునిల్లు మొగంబు నాభియున్
సొలయుచుఁ బ్రేమదొట్టి మయి జుమ్మన ఘమ్మన ముద్దు వెట్టి వే
తలి మము నుంచునాసొగసు తన్వి తలంచునొకో తలంచదో.
సీ. మిన్నఁబాఱిననాఁడె మేలుమే లుదయించెఁ
దిన్నె లెత్తిననాఁడె వన్నె మించె
మొగ్గ గట్టిననాఁడె మోహంబు పచరించె
మొనలు చూపిననాఁడె ముద్దు గాంచె
బటువు మీఱిననాఁడె దిటముగా గమకించె
నునుపు గాంచిననాఁడె ననుపు మించె
వ్రేఁకమై తగునాఁడె డాక మై సవరించె
జోడైననాఁడె మెచ్చులు ఘటించె
తే. మగువపాలిండ్లతోడ నామనసు చూడ
నింతయై యంతయై మఱి యెంత యగుచుఁ
గంతుసామ్రాజ్య మేలంగఁ బంతగించె
నాకలికిపొందు నే నెట్లు లేక యుందు.
సీ. నునుసరాతిగవాక్షులన వచ్చుజాబిల్లి
యుడుకుచేతులకుఁ జే యొడ్డియొడ్డి
సలిగటాకునఁ గ్రమ్మువలిగాలిమొలకల
యుద్దవళ్లకు మూల నొదిఁగి యొదిగి
ప్రక్కనుంచుకయున్న బాకుదారిజవాది
కావలిమోముగా నళికియళికి
దేరీజలో గుమ్మితీమేలుకట్టు పు
వ్వులకుమ్ముదుమ్ముల కులికియులికి
