ద్వితీయాశ్వాసము
65
క. విరికుచ్చు హెచ్చుగచ్చుల
తఱిమెనపగడాలకోళ్ల దంతపుపనిచ
ప్పరమంచంబున ఘమ్మని
పరఁగెడు సేవంతిరేకుపానువుమీఁదన్.
చ. చికిలిమెఱుంగుకెంపురవ చెక్కడపున్ జిగిడంబకంబు మో
రకొణిగె నంటఁ గట్టినజిరాపనిమేలరవిప్పుదీర్సుకో
రకములనింపు సంపఁగికరాళము నోరతురాయిసోఁకని
య్యక వసియించు హారలత లాడఁ దలాడను చేయి యూఁదుచున్.
క. వసియించ శౌరిసరసన్
మిసమిసమనుగబ్బిగుబ్బ మెఱుఁగుపయఁటలో
మసలఁగ నెఱమోహపురా
జసపుం దరితీపుతోడ సత్య వసించెన్.
తే. కాంత యటువలె వసియించి కొంతసేపు
మంతనముతో వసంతపుమాట లాడఁ
బ్రొద్దు గడపుచు నున్న దీపూవుఁబోఁడి
యని యుతాళించి యెనలేనిహౌసు మించి.
క. పనిలేనిమాట లాడుచుఁ
దనమైచే మేని సోఁకఁ దప్ప బెణఁకుచున్
వనజదళాక్షుఁడు మాటలఁ
దనియక మదిఁ బొంచియుండెఁ దహతహ మీఱన్.
క. రమణుఁడు పొంచుట తనచి
త్తములో నెఱుఁగ కట మాటదారిగ నగుతా
గమకించి కురుజుతెలనా
కుమడపు మొనపంటఁ గఱచి కొమ్మని యొసఁగెన్.
చ. ఒసఁగినయంత వింతగను హుమ్మని కమ్మనిమోవి నోరఁగా
దుసికిలనీక యమ్మడుపుతోడఁ జుఱుక్కున నొక్కి శౌరి సం
