18
సత్యభామాసాంత్వనము
తే. పంపులకు రానిదొర ప్రతాపంపుకెంపు
మెఱుఁగు పేరిట కార్చిచ్చు మ్రింగిమ్రింగి
వెలసె నీరీతిఁ గృష్ణలీలలఁ జెలంగి
యుద్ధజయహారి వీరయకృష్ణశౌరి.
చ. అలరుకుమారకృష్ణమహిపానుజుఁ డాహవసవ్యసాచి య
త్యలఘుయశోవిశోభిహరిదంతరసంతమసాచిమర్దలి
ర్దళనఘనప్రతాపుఁడు వదాన్యకులాగ్రణి సజ్జనావనా
కలితగుణాలవాలుఁ డగు కస్తురిరంగనృపాలుఁ డిమ్మహిన్.
క. ఆవిస్సభూపతివలన
నావిర్భావంబుఁ జెంది యఖిలప్రభుసం
భావితనిజవిజయప్ర
స్తావుఁడు శ్రీ ముద్దుకృష్ణ జనపతి వెలసెన్.
సీ. జన్యోర్వివిమతకుంజరతాడన మొనర్చి
యసమానబలసహాయతఁ దనర్చి
రిపువత్సకంఠనిర్భేదం బమర గిట్టి
పరభోగిశీర్షముల్ పగుల మెట్టి
యహితోగ్రసేనోద్భవారూఢిఁ గుదియించి
స్ఫుటయశోదానందఘటన గాంచి
తనర మందారాహృతిని చాలనుప్పొంగి
ప్రబలసత్యాలాపరవ [1]మెఱింగి
తే. చక్రధరశృంగపద్మాతిశయము మీఱ
శిష్టజనరక్షణము దుష్టశిక్షణంబు
నతిశయిల నవ్యగోపాలుఁ డనఁగ వెలసె
విస్సవిభు ముద్దుకృష్ణ భూవిభువరుండు.
చ. నలువుగ ముద్దుకృష్ణ నరనాథశిఖామణి గాంచె వేడ్కతో
నిలపయి చంద్రసూర్యు లుదయించిరొకో యని లోకు లెన్న ని
- ↑ మెసంగి
