152
సత్యభామాసాంత్వనము
ఉ. వచ్చి మురారి రచ్చఁ బడి వారిజలోచన యుండుచందమున్
నెచ్చెలు లుండునందమును నెమ్మిఁ గనుంగొని సారె పైపయిన్
వెచ్చఁగ నూర్చియూర్చి యిది విం తవు నంచుఁ దలంచు నెమ్మదిన్
హెచ్చినమోహసాగరము నెంచుచుఁ జెక్కిటఁ జెయ్యి చేర్చుచున్.
సీ. అంతటింతటఁ జేరి యారతిపళ్లెంబు
లెత్తరారైరిగా యిందుముఖులు
అయ్యవారా సత్య యదిగొ యున్న దటంచు
రాకొట్టదాయెఁగా రామచిలుక
మెచ్చుగా నిటకు నేఁ దెచ్చినచేకాన్క
లందుకోరైరిగా యనుఁగుఁజెలులు
కంకణా లందెలు ఘ ల్లనఁగా వచ్చి
చెయ్యియ్యదాయెఁగా చిగురుబోడి
తే. యిటువలెనె మేర దప్పి యీయింతి సేయు
చలము దెలిసియు నాపాపజాతిమనను
దీనిపదములఁ జుట్టుక రా నటన్న
దాళఁగూడునె యని యెంచి తల్లడించి.
సీ. పంచదారయు నించి పండ్లు మేపితిఁ గాని
చిలుకకు నే నేమి చేసినానొ
యాటలు దిద్దించి హవణించితిని గాని
శిఖిడింభముల కేమి చేసినానొ
పేర్పేర మన్నించి ప్రియము చేసితిఁ గాని
చెలులకు నే నేమి చేసినానొ
కని పెంచి ఘనునిగా గారవించితిఁ గాని
చెఱకువిల్తుని కేమి చేసినానొ
తే. కటకటా ప్రాణనాయకికరుణలేమి
నెవరికంటికి దెసనుండ కిట్టు లైతి
