144
సత్యభామాసాంత్వనము
క. అని నగి నగించి తా గ్ర
క్కున హరి యని యుక్కు మిగులఁ గొమచేబాణా
సనము గొని యెక్కు దీర్చెన్
గొనకొనుగుణరవభరంబు ఘుమఘుమ మనఁగన్.
మ. ధను వక్కైవడి నెక్కు దీర్చి గుణసంధానంబు గావించి రో
షనటద్ర్భూకుటియై ఛటచ్ఛటలు హెచ్చన్ గుంపు విచ్చంగ దై
త్యనికాయంబులపై రమాపతి స్ఫులింగాటోప ముప్పొంగ నిం
గి నెసంగన్ శరధార నించె సమరక్రీడామహోదారుఁడై.
క. జగదీశుఁ డవ్విధంబున
మగఁటిమిఁ జూపంగ మాఱుమలయుచుఁ గిన్కన్
దిగదిగ మనుచూపులతో
నిగు రెత్తెడివగను దైత్యుఁ డి ట్లని పలికెన్.
క. ఉవిదలమఱుఁగున నుండియు
బవరం బొనరించునట్టి పౌఢుఁడ వీవే
భువిలోన నిట్టిశౌర్యం
బవురా నే నెందుఁ గాన నాభీరమణీ.
సీ. నావీట బందిఖానాఁ బడి యున్నట్టి
యఖలభూపాలకన్యకలకన్న
నాదివాణంబులో నను బత్తిఁ బని సేయు
గంధర్వరాట్కులాంగనలకన్న
నెక్కు డౌప్రేముడి నింపుటారతు లెత్తు
జగపాఁపరాణివాసములకన్న
నాచెంతఁ జేరి మన్నన నూడిగము సేయు
తెఱగంటికోడెబిత్తరులకన్న
తే. మిన్నగా నున్న దేమి యీయన్ను మిగుల
నిటుల నియ్యాఁటదానిఁ దెచ్చుట గొఱంత