చతుర్థాశ్వాసము
143
ననుచుఁ జెలు లందఱును చూచి హర్ష మొంది
పొదల దైత్యులఁ జెండాడెఁ బువ్వుబోఁడి.
సీ. వెన్నెలమూకయో విడియెండకాఁకయో
యన నయ్యెఁ జంద్రాస్యమినుకుచూపు
మరుకీర్తి లెక్కయో నెలతోఁకచుక్కయో
యన నయ్యెఁ దెరవముత్యపుఁదురాయి
పూఁదేనెసోనయో పొడిరాతివానయో
యన నయ్యె మగువ[1]గాయకపుమాట
జంత్రవిశేషమో శతధారఘోషమో
యన నయ్యెఁ జెలివింటిగొనముసద్దు
తే. మొనయుశౌరికి వైరికి మోదఖేద
ములను శృంగారరసము నద్భుతరసంబుఁ
దోఁచ నారాచముల నేసి దురముఁ జేసెఁ
గుతుకకోపంబుల నెసంగి కోమలాంగి.
క. తెలిచూపుమెఱుఁగుపొత్తుల
వలెఁ దగస్తనకలశహారవల్లరి స్తన్యా
కలనఁ దగఁ దల్లి గావున
నలచెలి తాఁ బెంచ నెంచె నసురకులేంద్రున్.
క. ఆవగ యెఱింగి కృష్ణుడు
భావము రంజిల్ల నిట్లు పలికెం జెలియా
నీ వెంతయు బడలితివి గ
దా విను నేఁ బోరు చేసెదం జలమేలే?
తే. కినుక దగ వీరపత్నివి గనుక నీకు
నని యొనర్చుట యుచితంబె యైన నేమి
యేను నీదాసుఁడను గాన యిపుడు లలన
కలన నాచేత గెలిపించఁదలఁచవలయు.
- ↑ గాయనపుపలుకు