122
సత్యభామాసాంత్వనము
దేటయౌ హరిపాదతీర్థంబు గ్రోలుచోఁ
దెరవవాతెర నానువెరవు దలఁచు
తే. దైత్యభేదిపదానుసంధానవేళ
నంగనారతిపారవశ్యంబు దలఁచు
ద్విజుఁ డటులు పాడి మీఱి క్రొవ్విరి లకోరి
చెనఁటిభూతంబు సోఁకఁ దా సిగ్గులేక.
సీ. పారువాపలుకులతీరు వాటిల దంచుఁ
దొలుపల్కులు గణించుతలఁపు మానె
దాళిగోణము గట్టు బాళి యేర్పడ దంచుఁ
గావిదోవతి గట్టుకడఁక మానె
నేవళంబులు దాల్చు ఠేవ లలర వంచుఁ
దులసిపూసలు [1]దాల్చుతొడుసు మానె
గందంబుఁ బూసిన యందంబు లే దంచు
బూది మేనునఁ బూయుపొల్పు మానె
తే. గుంటెనలు సేయువారితోఁ గూడి యుండు
కులుకు చన దంచు సజ్జనగోష్ఠి దక్కి
చెనఁటియై పాఱుఁ డీరీతిఁ దనువు మఱచి
తరళలోచనపై మించుతలఁపు లెంచు.
సీ, మారుబీరముచేత బారుబీరము చిక్కు
లెడలించుపెట్టెలో ముడుపు లాగుఁ
బూతసొమ్ములు కొన్ని పొసఁగించి పూసబొ
ట్టును నింటఁ గలయంతయును హరించు
భరతంబు వీణె తంబుర నేర్వవలె నంచు
సానికూఁతులయిండ్లచాయఁ బోవు
బొన్నూరికిఁ జదువఁబోదు నను నెపానఁ
దా నున్నపురవీథి దాఁటి పోవు
- ↑ దాల్చుతొడుకు మానె
