ఈ పుట అచ్చుదిద్దబడ్డది
శ్రీరస్తు
సత్యభామాసాంత్వనము
చతుర్థాశ్వాసము
శ్రీజృంభితాంబురుహరే
ఖాజనకకటాక్ష యాదిగర్భేశ్వర నా
నాజననుతవితరణ వి
ద్యాజితరాధేయ ముద్దులళ్ఘరిరాయా.
తే. అవధరింపుము జనమేజయక్షితీశ్వ
రునకు నావ్యాసమునిశిష్యుఁ డనియె నిట్లు
శౌరి సాత్రాజితిని జేరి చనువుమీఱి
యుబ్బరంబునఁ దనియకయుండువేళ.
ఉ. అయ్య పరాకు సామి నరకాసురుఁ డంపఁగ వచ్చినట్టి పెన్
దయ్యపువేగరిం బెనఁచి త్రాటను గట్టి గుడారువాకిటన్
గుయ్యకు మంచు నో రదిమి గుప్పుచు మీనగరింటిచారు లొ
య్యొయ్యన వచ్చినా రని మృదూక్తులఁ బెంపుడుచిల్క పల్కినన్.
