సుందరకాండ
35
కొలదికి మించిన కుచ, కంఠ, శిరో
ధర; లతిమాత్ర వదన, నేత్ర; లనా
స, లజిహ్వ; లతిరసన లతిజిహ్వలు ;
గోకిరి హరిముఖ భీకర, లెందఱొ.
36
వారినిగని రావణుడు పలికె నిటు,
ఏయే విధముల ఏయే తంత్రము
లాచరింప తగు నట్లొనర్చి, నా
కలవఱచుడు మైథిలిని శీఘ్రముగ.
37
ఎప్పటి కెయ్యది యొప్పిద, మటు మె
ప్పించియు, ఇటు లాలించియు సీతను.
దాన సామభేదంబుల వంచుడు,
వంగదేని కడపట తాడించుడు.
38
అట్లు రావణుడు ఆనబెట్టి ర
క్షికల; చెప్పినదె చెప్పుచు, కామ
క్రోధాతురుడై కొసరి కొసరి, త
ర్జించగ సాగెను సీతను క్రమ్మఱ.
39
ఆ గతి నతిమోహంబున తమకిం
చెడి పతి నారసి కడపటి పెండ్లము,
ధాన్యమాలిని మదనపీడితయై
దాగిలి రావణు కౌగిలించుకొని.
40
పలికె నిటు మహాప్రభుచంద్రమ ! ఎం
దుకు నీకీ జానకి, దరిద్ర దే
వత, కృశాంగి, నరసతి ? క్రీడింపుము
నాతో నీకు మనసు తీరి తనియ.
195
