అయోధ్యాకాండము
673
నందుతమ్మునిఁ గూడి - యచలుఁడై యెక్కి
వచ్చిన వారలె - వ్వరు నిండ్లు చొరక
యెచ్చటి కేఁగిన - నేఁగుద మనుచు
రామునిఁ బాయువా - రల మిఁకమీఁద
నేమరనేర్తుమె యీ - విభు ననుచు 10420
వీడెల్ల రఘుపతి - విడిచిన నాడు
పాడుగా దిప్పుడు - పాడయ్య ననుచు
యిల్లని యాండ్రని - యిచ్చట నేల?
యెల్లరు వెంటరం - డిఁకఁ జాలు" ననుచు
గురువురోహిత మంత్రి - కోవిదామాత్య
వరులుమున్నుఁగ బౌర - వర్గంబు గొలువ
రామచంద్రుని నవ - రత్న పాదుకలు
తామౌళినిడి యర - దము గదిలించి
పోయి నంది గ్రామ - పురిచేరి భరతుఁ
డాయెడ గురుఁడు ము - న్నగు వారిఁబలికె. 10430
"యీయవనీ చక్ర - మెల్ల రామునిది
ఆయన నాచేత - నది డాఁచనుంచె
కర్తయిందుకు పాదు - కా యుగళంబు
కర్తవ్య మిదినాకుఁ - గాచి కొల్చుటకుఁ
గాక యే నెవ్వఁడఁ - గడమకు ననుచు
నాకెలంకుల సుమం - త్రాదుల కనియె.
"పాదుకలను రాజ్య - భార మంతయును
పాదు కొన్నదిగాన - భర్మ పీఠంబు
