అయోధ్యాకాండము
671
సవరణ లేమియుం - జాలక ధన్యుఁ
డవు పురుషునిగాత్ర - యష్టియుం బోలె
జలదాగమంబున - జలధర శ్రేణి
యలమిన మాయు సూ - ర్యప్రభ వోలె
ఎలమి యేమియు లేక - యీపట్టణంబు
తలమాసి యున్న చం - దంబు చూచితివె?
మంగళా లంకార - మహిమముల్ లేక
సంగీత సాహిత్య - సౌష్ఠవం బెడలి
చతురంగ బలముల - సంకులం బెడలె
క్షితిపాల సుతులుకై - చేసిరా రిపుడు 10380
తొలఁగెను సాంబ్రాణి - ధూప వాసనలు
వెలయవు పురిలోన - విభవంబు లెచట
ధరణిజ రీతి సీ - తా కాంతు వెనక
పురలక్ష్మియునుఁ గూడి - పోయెఁగానోవు
యిదిదుర్దినముఁ బోలి - యిప్పుడు దోఁచె
బదునాలుగేఁడులుం - బాసిన వెనక
మండ్రువేసవిఁ దోఁచు - మబ్బుచందమున
దండ్రియై రాముఁడే - తరివచ్చు నొక్కొ"
అని పలుకుచును పం - చానన హీన
ఘనకందరముఁ బోలు - కాకుస్థ విభుని 10390
నర శూన్యమైనట్టి - నగరిలోఁ జొచ్చి
తరుణులు తోడుగా - తల్లుల నెల్ల
నచట నుండంగఁ జేసి - యాచార్యుఁ జూచి
పచరించి యొకమాట - భరతుండు పలికె,
