ఈ పుట ఆమోదించబడ్డది
666
శ్రీరామాయణము
వోయి నందిగ్రామ - మున వసియించి
యా యతి వేషంబు - లిట్లనే యుండ
ఆమేర కందమూ - లాశినై గడువు
నీమది మఱచిన - నిమిషంబు నోర్వ
పదియు నేనవ యేఁడు - ప్రాపింప నాఁటి
మొదటి దినంబులో - మొదటి యామమున 10260
ననల ప్రవేశమై - నాచరింపుదును
విను డిందఱును సాక్షి - వీరు వారనక"
అన నట్లయగుఁ గాక - యని రాఘవుండు
కనికరంబున గ్రుచ్చి - కౌఁగిటం జేర్చి
భరత శత్రుఘ్నుల - పరికించి వారి
శిరములు మూర్కొని - శ్రీ రాముఁ డనియె.
"కైకేయి నిపుడాదిఁ - గాఁ గానిమాట
వాకొనవలదు కా - వలసిన నన్ను
కౌసల్యతో సరి - గాఁ జెప్పినట్లు
చేసియాత్మకు నింపు - సేయుఁ డిద్దఱును 10270
యేతరి మఱవకుఁ - డీ సీతతోడు
నాతోడు దశరథ - నరపతి తోడు"
అనిపల్కి కన్నుల - నానంద వారి
చినుకఁ బొమ్మనుటయు - శ్రీరామచంద్రు
—: భరతుం డయోధ్యకుఁ జేరుట :—
వలగొని మ్రొక్కి పా - వలు పదిలముగ
తలమీఁద ధరియించి - తమ్మునిఁ గూడి
