అయోధ్యాకాండము
665
కమలారి బింబము - కళలు మాసినను
హిమవన్నగంబు మం - చెడిలి పోయినను
తప్పుదునే మాట - దప్పిన నీకు
దప్పినవాఁడ నెం - తయు విచారింపు
కైకేయి నీమీఁది - కరుణచే నైన
ప్రాకట రాజ్యలో - భము చేతనైన
యిల పుచ్చుకొని నీకు - నిచ్చెనేమిటికిఁ?
గలఁగెదు దీననొ - క్క కొఱంత లేదు
మాయన్న! వీటికి - మరలి పొమ్మనిన
యాయన్నయెదుర మా - ఱాడంగ లేక 10240
భరతుండు రత్నంవు - పావాలుదెచ్చి
ధరణీ భరం బివి - దాలుప నోపు
మోపుము మీపాద - ములు వీఁటి మీఁద
నీ పాదుకలు రాజ్య - మేలు చుండెడును
బంటనై సేతుఁ ద - త్పరిచర్యనెల్ల
వెంటను మీరలు - విచ్చేయు దనుక”
అనవిని లోకత్ర - త్రయమునకు సౌఖ్య
జనకంబులగు తన - చరణపద్మములు
పాదుకలను మోప - భరతుఁ డుప్పొంగి
యాదరంబున మౌళి - యందుఁగీలించి 10250
శ్రీరామ పదము లీ - క్షించి సేవించి
“వోరామ! యిదె యేఁగు - చున్నాఁడఁ దరికి
పదునాలు గేఁడులు - పాదుకా రాజ్య
పదవిచూచుచు మీకుఁ - బలె సేవసేతు
