అయోధ్యాకాండము
413
—: రాముని వనగమనమునకు దశరథుఁడు సమ్మతించుట ; సుమంత్రుఁడు రథమును దెచ్చుట :—
"తేజీల సమకట్టి - తెమ్ము వేవేగ
రాజయోగ్యంబైన - రథమువాకిటికి
రథముమీఁదట నీవు - రామునితోడ
నధివసించి యయోధ్య - కామడమేర
ననిచివత్తువుగాక - యధముఁడౌతండ్రి
పనుపుచేసిననిట్టి - పాటురాకున్నె?
కొడుకులయుత్తమ - గుణములన్నియునుఁ
గడపటనది దుఃఖ - కారణంబులుగ
నెంచితిఁజను” మన్న - నేఁగి సుమంత్రుఁ
డంచలనున్న మ - హారథంబొకటి 4140
ఆయత్తమొనరించి - యపుడెతెచ్చుటయు
నాయవనీభర్త - యటునిటుఁజూచి
కడనున్నలోని బొ - క్కసములవారి
కడగాంచి చేరరాఁ - గనుసన్న చేసి
వారితో నీసీత - వనికినేఁగెడును
మీరలు నగరిలో - మేలిసొమ్ములును
చీరలు వీరు వ - చ్చి యయోధ్యచేరు
మేరకుఁజాల భూ - మిజకు నిండ "నిన
మాటమాత్రనె వారు - మణిభూషణముల
పేటికల్ కోకల - పెట్టెలుదెచ్చి 4150
తనచెంతనిలిపిన - దశరథవిభుఁడు
కొనుమంచుఁదన పెద్ద - కోడలికొసఁగ
